Kryeministri izraelit, Benjamin Netanjahu, u shfaq me copën e një droni në dorë kur e mori fjalën në Konferencën e Sigurisë në Monako. Pjesa që ai mbante në dorë i përket një droni iranina të rrëzuar nga aviacioni izraelit pasi kishte hyrë në territorin e tyre.
“Zoti Zarif, e njihni këtë? Është i juaji. Mund ta çoni në vendin tënd si mesazh për tiranët e Teheranit, të mos na e vënë në provë vendosmërinë tonë”, iu drejtua ai ministrit të Jashtëm izraelit, Javad Zarif.
Akuzat
“Izraeli nuk do t’i lejojë regjimit iranian të na intimidojë. Do të veprojmë nëse është e nevojshme, jo vetëm kundër atyre që na sulmojnë, por edhe kundër vetë Iranit”, tha Netanjahu.. Kryeministri izraelit akuzoi Teheranin se po mbjell terror në Lindjen e Mesme dhe po përpiqet të instalojë një perandori nga Kaspiku në Mesdhe.
Netanjahu iu rikthye qëndrimit kundër marrëveshjes nukelare të Iranit, e cila sipas tij “u prezantua nga njerëz që synonin me të vërtetë paqen, por e bëri vetëm këtë regjim më ambicioz”.
Megjithatë, ai shtoi se pozitiv është fakti se ajo i ka sjellë arabët dhe izraelitët më afër se kurrë më parë dhe paradoksalisht mund të çojë në paqe me impakt të gjerë, madje edhe midis Izraelit dhe Palestinës.