Spanja ka paralajmëruar se do të ndërmarrë "masat e nevojshme" nëse udhëheqësi i Katalonjës shpall pavarësinë pas referendumit të paligjshëm, raporton Express.uk, përcjell Bota sot.
Udhëheqësi separatist i Katalonisë Carles Puigdemont u vu nën presion të madh për të braktisur planet për të shpallur pavarësinë pasi qindra mijëra unionistë dolën në rrugë për të protestuar kundër ndarjes.
Organizatorët e protestave paqësore këtë fundjavë kanë thënë se përfaqësojnë "shumicën e heshtur" dhe i kërkuan presidentit katalan që të mos zbatojë rezultatin e votimit.
Ndërsa, Spanja paralajmëroi se qeveria e saj mund të detyrohet të ndërmarrë veprime të drejtpërdrejta në qoftë se shpallet pavarësia.
