SHBA-të u kërkuan aleatëve të saj të NATO-s dërgimin e rreth 1000 ushtarëve shtesë në Afganistan, theksoi sot ambasadorja amerikane e Aleancës, Kay Bailey Hutchison.
“Në kuadër të strategjisë së re, njoftuar nga presidenti amerikan, Donald Trump, numri i përgjithshëm, parashikuar për të riforcuar trupat perëndimore në Afganistan është 3000 trupa amerikanë dhe rreth 1000 ushtarë aleatë”, deklaroi Bailey Hutchison.
Ambasadorja nënvizoi se kërkesa amerikane në NATO, misioni i të cilës “Resolute support” kontribuon në trajnimin e ushtrisë afgane, nuk ishte finalizuar ende.
“Objektivi ynë është të themi sa më shpejt, brenda dy javëve, se për çfarë kemi nevojë ekzaktësisht”, theksoi ajo.