Ministri i Jashtëm rus Sergei Lavrov ka deklaruar se ka ardhur koha për të rishikuar pasojat e sanksioneve që BE-ja dhe SHBA-të po i aplikojnë kundër Sirisë, duke theksuar se Moska e konsideron të parregullt ekzistencën e tyre.
“Sanksionet kryesisht bllokojnë procesin e prodhimit e cila është thelbësore në Siri, duke përfshirë industrinë farmaceutike, e cila në këtë vend ka qenë gjithmonë e zhvilluar mjaft mirë, dhe tani është nën sanksionet e Perëndimit,” tha ai pas një takimi me Përfaqësuesin e BE-së për politikë të jashtme, Federica Mogherini.
