Trump kërkon prokuror të posaçëm për të hetuar Fondacionin Clinton

Bota

Trump kërkon prokuror të posaçëm për të hetuar Fondacionin Clinton

Më: 24 gusht 2016 Në ora: 00:05
Donald Trump

Kandidati republikan presidencial Donald Trump po kërkon një prokuror të pavarur për të hetuar menjëherë Fondacionin Hillary dhe Bill Clinton, duke thënë se FBI-ja nuk mund të besohet me këtë detyrë.

Trump e kaloi pjesën më të madhe të fjalimit të tij të fushatës dje në Akron të Ohajos duke u përqëndruar në atë që ai e cilësoi si një shtrirje të madhe të kriminalitetit të kandidates presidenciale demokrate Hillary Clinton duke shtuar se është i shokuar prej saj.

"Departamenti i Drejtësisë duhet të caktojë një prokuror special të pavarur pasi ka provuar të jetë fatkeqësisht një armë politike e Shtëpisë së Bardhë. Kjo nuk është pare më parë. Departamenti i Drejtësisë ka vepruar në mënyrë jo-etike."

Kundërshtarët republikanë të Clintonit pretendojnë se donator të mëdhenj të fondacionit të bamirësisë e kanë përdorur atë për të patur qasje të veçantë tek zonja Clinton apo ndihmësit e saj të ngushtë kur ajo ishte Sekretare Shteti.

Zonja Clinton i ka mohuar akuzat. Duke u shfaqur dje në një program argëtues zonja Clinton i hodhi poshtë akuzat e Trumpit si gënjeshtra.

E-mailat e publikuar së fundmi tregojnë se ndërsa disa prej ndihmësave të zonjës Clinton u është kërkuar favor, nuk ka prova që e kanë marr këtë favor apo nëse zonja Clinton ka qënë e përfshirë.

Ish presidenti Bill Clinton njoftoi javën e kaluar se fondacioni do të ndryshojë mënyrën e të bërit biznes nëse bashkëshortja e tij zgjidhet president. Ai do të ndalojë të pranojë donacione të huaja apo nga korporatat dhe Bill Clintoni vetë do të jape dorëheqjen nga bordi drejtues.

Anketat e fundit tregojnë se zonja Clinton ka një epërsi prej 6 përqindësh ndaj kandidatit republikan Donald Trump./voa

Sot mund të lexoni Shfletoni kopertinat