E kishin shpallur të vdekur, policia përgënjeshtron lajmin

Kronikë e zezë

E kishin shpallur të vdekur, policia përgënjeshtron lajmin

Më: 10 korrik 2016 Në ora: 13:15
Policia e Shqipërisë

Policia e Shqipërisë ka përgënjeshtruar lajmin e djeshëm se 27-vjeçari Bledar Pula ka humbur jetën gjatë një aksidenti të ndodhur dje në fshatin Delvinë të Vlorës.

Burime zyrtare pohuan dje se shtetasi në fjalë humbi jetën, ndërsa sot u konfirmua se ai është ende gjallë.

Policia ka kërkuar ndjesë për informacionin e gabuar, ndërsa u ka kërkuar ndjesë familjarëve.

“I aksidentuari Bledar Pula, 27 vjeç është ende gjallë. Në informacionet paraprak njoftuam se ai kishte ndërruar jetë. Shtetasi është në jetë, por në gjendje shumë të rëndë. Ndjesë familjarëve për informacionin e gabuar”, citohet në njoftimin e policisë.

27-vjeçari u plagos mbrëmjen e djeshme ndërkohë që po lëvizte me motoçikletë. Ngjarja ndodhi në aksin Ura e Gajdarit-Delvinë.

Sot mund të lexoni Shfletoni kopertinat