Një çift britanik janë rrahur brutalisht nga rojet e një hoteli me 4 yje në Spanjë, pasi dyshohet se gruaja u hodhi atyre një gotë plastike.
Pamjet tronditëse janë publikuar nga një dëshmitar që ndodhej në hotelin “BH Mallorca”, në Magaluf të Spanjës. Në videon e postuar nga Daily Mail duket se si njëri nga rojet po përleshet përtokë me vajzën me bikini, ndërsa tjetri ka vënë poshtë partnerin e saj.
Pas incidentit, një fotografi shokuese me shenjat e dhunës në të, të djalit që u rrah nga rojet e hotelit është publikuar në faqen zyrtare të hotelit.
Pas kësaj të shumta kanë qenë kritikat ndaj stafit të hotelit, ku shumë prej komentuesve kanë kërkuar arrestimin e rojeve dhe heqjen e liçensës së hotelit.
