Sadiq Khan është zgjedhur qytetari i parë i Londrës me 44 për qind të votave, ndërsa rivali Zac Golsmith ka marrë 35%. Ja disa prej “sekreteve” të kryebashkiakut të ri të Londrës.
Fëmijëria
Si fëmijë i dy emigrantëve pakistanezë, Khan ka jetuar në banesat popullore në Earsfield, në jug të Londrës, në një shtëpi me tri dhoma. “Prindërit e mi u larguan nga Pakistani për t’u transferuar në Londër në vitin 1960. Babai im ka punuar si shofer autobusi për 25 vjet, ndërsa mamaja qepte rroba për të na mbajtur ne”, ka thënë vetë Khan.
Punë që fëmijë
Sadiq dhe dy vëllezërit e tij kanë ndjekur shkollën “Fircroft Primary School”, ku mësuesit i kanë edukuar të punojnë fort. “Një prej vëllezërve të mi ka studiuar për t’u bërë mekanik”, ka rrëfyer ai.
Shtatë vëllezër
Sadiq Khan është i pesti ndër tetë fëmijët e familjes, shtatë vëllezër dhe një motër. Familja Khan ka qenë gjithnjë një familje punëtore. “U dërgonim para në Pakistan të afërmve tanë”, ka thënë Khan.
Për pak do të ishte bërë dentist
Sadiq Khan është diplomuar në juridik në University of North London dhe që në moshë shumë të re ia ka dalë të ketë shtëpinë e vet, pavarësisht çmimeve të larta të asaj kohe në Londër. Para se të zgjidhte studimin e ligjit, ai dëshironte të bëhej dentist.
Martesa
Khan në vitin 1994 është martuar me Saadiya Ahmed, edhe ajo avokate. Ata kanë dy vajza: Anisah e Ammarah, të lindura në 1999 e në 2001.
