Opozita serbe proteston kundër vjedhjeve gjatë votimeve

Bota

Opozita serbe proteston kundër vjedhjeve gjatë votimeve

Më: 30 prill 2016 Në ora: 19:33

Mijëra persona manifestuan sot para selisë së komisionit elektoral serb në Beograd, nën thirrjen e shumë formacioneve politike që pretendojnë për vjedhje gjatë zgjdhjeve legjislative të 24 prillit, për llogari të partisë së kryeministrit, Aleksandar Vuçiç.

“Kjo është një lëvizje kundër vjedhjeve elektorale dhe për të respektuar vullnetin që ka shprehur populli gjatë këtyre zgjedhjeve, deklaroi para turmës, Bosko Obradoviç, lider i lëvizjes “Dveri”.

Ky formacion bën pjesë në një koalicion të ekstremit të djathtë dhe euroskeptik (DSS-Dveri) që sipas rezultateve zyrtare, pas numërimit të gati të gjitha votave, ka arritur të mblidhë 4,99 për qind, një rezultat që e lë jashtë parlamentit.

Por në këtë manifestim morrën pjesë edhe koalicione të tjera, liberale dhe të qendrës, që kishin grumbulluar 5 dhe 6 për qind, me të njëjtin pretendim, për vjedhje të votave.

Sot mund të lexoni Shfletoni kopertinat