Spanjë: Socialistët dhe Podemos bllokojnë bisedimet për qeverinë e re

Bota

Spanjë: Socialistët dhe Podemos bllokojnë bisedimet për qeverinë e re

Më: 5 shkurt 2016 Në ora: 20:56

Lideri i partisë së majtë radikale Podemos, Pablo Iglesias refuzoi sot të nisë bisedimet me socialistët për formimin e qeverisë në Spanjë me kusht që kjo tryezë diskutimesh të mos përfshijë qendrën e djathtë, duke i detyruar socialistët të zgjedhin midis së majtës dhe të djathtës.

“Ne nuk do të bashkëpunojnë në favor të formimit të një qeverie me të djathtët”, deklaroi Pablo Iglesias duke iu referuar partisë së qendrës së djathtë Ciudadanos.

“I kërkoj Pablo Iglesias të marrë sërish në konsideratë këtë kërkesë negocimi ekskluzive”, u përgjigj udhëheqësi socialist Pedro Sanchez.

Të dy politikanët kanë biseduar për më shumë se një orë në Kongres (Dhoma e Ulët) përpara daljes me këto deklarata. Ky është takimi i fundit i organizuar prej së mërkurës nga socialistët në përpjekje për të formuar qeverinë e re, për gati shtatë javë pas zgjedhjeve të përgjithshme.

Sekretari i Përgjithshëm i Partisë Socialiste të Punëtorëve Spanjollë (PSOE), Pedro Sanchez i është besuar nga ana e mbretit Felipe VI të martën në mbrëmje detyra e formimit të qeverisë së re, pas heqjes dorë nga kundërshtari i tij i së djathtës dhe kreu i qeveri së së mëparshme, Mariano Rajoy.

Sot mund të lexoni Shfletoni kopertinat