Fondi Monetar Ndërkombëtar (FMN) ka përfshirë monedhën e Kinës në shportën e monedhave rezervë.
Juani kinez do t’i bashkohet dollarit amerikan, euros, jenit japonez dhe paundit britanik vitin e ardhshëm në shportën e monedhave që Fondi Monetar Ndërkombëtar i përdor si rezerva ndërkombëtare.
Shefja e FMN-së, Christine Lagarde, ka thënë se ky vendim është “një hap i rëndësishëm në integrimin e ekonomisë kineze në sistemin financiar global”.
“Është po ashtu njohje e përparimit që kanë bërë autoritetet kineze në reformimin e sistemeve monetare dhe financiare të Kinës”, ka thënë Lagarde.
Kina, ekonomia e dytë më e madhe në botë, ka paraqitur kërkesën për përfshirje në shportën e rezervave ndërkombëtare qysh vitin e kaluar.