Mbreti Salman i Arabisë Saudite ka nënshkruar vetë ekzekutimin e 52 burrave arabë, shumica e të cilëve paragjykohen si kritikues të regjimit dhe kryesisht vijnë nga zonat e banuara me muslimanët shia. Këtë e ka njoftuar “Independent”, e mbështetur nga gazeta “Okaz”, njofton Bota sot.
Ekzekutimi i tyre na masë pritet të ndodhë pas Namazit të së Premtes (Xhuma), në disa qytete kryesore. Vitin e kaluar, Arabia ka ekzekutuar 90 shtetas, ndërsa sivjet numri ka shkuar 151, duke arritur shifrat më të larta prej dy dekadash.
Ata shquhen për agjitacion e propagandë kundër regjimit suni të Rijadit dhe sipas kësaj të fundit janë nën ndikimin iranian për të rrëzuar mbretërinë.
Mes atyre që duhet të vriten janë edhe imami i njohur i besimit shia, Nimr al Nimr dhe nipi i tij Alia Nimr, i cili kishte vetëm 17 vjet kur u arrestua (shih foto).
Në Arabinë Saudite janë të ndaluara protestat, por shpesh mos bindja vjen nga minoriteti shia që jeton në zonën e pasur me naftë të Qatifit, Al Hasës dhe Dammamit. Ata përbëjnë rreth 10% të popullsisë./Bota sot