Ministrat e Brendshëm të Bashkimit Evropian mblidhen sot në Luksemburg për të diskutuar planet për të përshpejtuar dëbimin e azilkërkuesve të refuzuar.
Ata pritet të miratojnë disa masa, të cilat përfshijnë edhe arrestimin e atyre që mund të arratisen përpara se të dëbohen.
Po ashtu mund të kërkohet presion më i madh në vendet e origjinës për të riatdhesuar njerëzit.
Samiti vjen në kohën kur vendet e Bashkimit Evropian po përballen me një fluks të madh migrantësh që ikin nga Lindja e Mesme, Azia dhe Afrika.
Mbi 600,000 njerëz kanë arritur vetëm këtë vit në BE.
