Autoritetet gjermane kanë thënë të mërkurën se kanë regjistruar rreth 577,000 azilkërkues në nëntë muajt e parë të këtij viti.
Një e treta e tyre thuhet se janë sirianë.
Ministria e Brendshme, megjithatë, ka thënë se shifra mund të mos jetë e saktë, marrë parasysh se disa migrantë nuk kanë ndjekur aplikimet, ndërsa të tjerë mund të kenë dhënë informacione të gabuara.
Sido që të jetë, numri është më se dyfishi i 200,000 azilkërkuesve në vitin 2014.
Vetëm në muajin shtator, autoritetet gjermane kanë regjistruar 163,772 azilkërkues, përfshirë 85,455 nga Siria, 19,192 nga Iraku dhe 18,387 nga Afganistani.
