Një ligjvënës irakian ka thënë se Bagdadi mund të kërkojë së shpejti nga Rusia që të sulmojë nga ajri militantët e Shteti Islamik (IS) në Irak.
Hakim al-Zamili, shef i Komisionit Parlamentar për Mbrojtje dhe Siguri, ka thënë se “në ditët ose javët e ardhshme, Iraku do të detyrohet të kërkojë nga Rusia që të nisë sulme ajrore” dhe se “kjo do të varet nga suksesi i tyre në Siri”.
“Do të kërkojmë që Rusia të ketë rol më të madh në Irak, padyshim rol më të madh sesa amerikanët”, ka shtuar al-Zamili.
Rusia ka nisur sulmet ajrore kundër caqeve xhihadiste në Siri më 30 shtator.