Policia e Austrisë thotë se 71 migrantët e që u gjetën të vdekur javën e kaluar në një kamion të braktisur, ishin sirianë, irakianë dhe afganë.
Hans Peter Doskozil, shef i policisë për provincën Burgenland, tha sot se viktimat me siguri janë asfiksuar në territorin hungarez menjëherë pas hyrjes në kamion, sistemi i ajrosjes i të cilit nuk ishte duke punuar.
Doskozil tha se ende nuk dihet identiteti i atyre personave, por mjekësia ligjore do t'i zbulojë definitivisht dhe do të gjejë shkaktarin e vdekjes në javët e ardhshme.
Kamioni u gjet më 27 gusht në një pushimore në autostradën kryesore që lidhet me Hungarinë.
