Rreth 50 njerëz janë gjetur të vdekur në një anije me migrantë, që është nisur nga Libia.
Roja detare e Italisë ka thënë se 440 njerëz janë shpëtuar të gjallë.
Operacioni i shpëtimit është kryer nga një anije suedeze, që punon për agjencinë kufitare të Bashkimit Evropian, Frontex.
Dhjetëra mijëra njerëz, shumica nga Lindja e Mesme dhe Afrika, kanë marrë udhëtime nëpër det, me shpresë për të arritur Evropën.
Mbi 2,300 migrantë besohet se kanë vdekur këtë vit gjatë përpjekjeve për të kaluar Mesdheun.