Papa Françesku u ka bërë thirrje liderëve të Bashkimit Evropioan për të marrë vendime të përgjegjshme për zgjidhjen e krizës në Greqi, duke shtuar se dinjiteti njerëzor duhet të mbetet në qendër të zgjidhjeve të problemeve.
Në deklaratën e Vatikanit zyrtar thuhet se Papa është i shqetësuar për pasojat e krizës sociale dhe ppaspojat për familjet greke, transmeton Reuters.
“Dinjiteti njerëzor duhet të mbetet në qendër të të gjitha debateve politike dhe teknike si dhe marrja e vendimeve të përgjegjshme”, ka thënë Papa.
Papa po ashtu i ka ftuar besimtarët që të luten për popullin grek.
Kryeministri grek Alexis Tsipras mbrëmë vonë u ka dërguar sinjal kreditorëve ndërkombëtarë se Greqia mund të pranojë kushtet e marrëveshjes për ndihmë, por Berlini zyrtar ka dalë me qëndrimin se nuk mund të bisedohet për marrëveshje të re para referendumit të cilin Athina e ka caktuar për të dielën.