Raportet bëjnë të ditur se Aleksei Mozgovoi, komandant i lartë i separatistëve pro-rusë në lindje të Ukrainës, është vrarë së bashku me gjashtë rebelë të tjerë.
Zyra për shtyp e rajonit të Luhanskut ka njoftuar se Mozgovoi, lider i batalionit “Prizrak”, është vrarë pasi makina e tij është hedhur në erë nga sulmues të paidentifikuar.
Incidenti ka ndodhur pranë qytetit Alçevsk, rreth 30 kilometra larg vijës së frontit.
Identiteti i viktimave të tjera nuk është bërë i ditur.