Presidenti i Komisionit Evropian, Jean-Claude Juncker, ka përshëndetur kryeministrin e Hungarisë, Viktor Orban, me fjalët “Përshendetje diktator”.
Kjo ka ndodhur në Samitin e Partneritetit Lindor të BE-së në Riga të Letonisë.
Orban është përgjigjur: “Përshëndetje Duka i Madh”, duke iu referuar Luksemburgut, vendlindjes së Junckerit.
Orbani ka zemëruar kolegët e tij në BE me kryerjen e reformave të mëdha kushtetuese dhe institucionale, të cilat, sipas kritikëve, frenojnë lirinë e shtypit dhe autoritetin gjyqësor.
