Ministri i Jashtëm i Rusisë, Sergei Lavrov, ka thënë se Moska është e gatshme që të bashkëpunojë me Perëndimin, për përfitime të dyanshme.
Duke iu adresuar Dhomës së Lartë të Parlamentit të Rusisë, Lavrov ka thënë se “përpjekjet e Shteteve të Bashkuara për të mbështetur forcat antiqeveritare në Rusi janë shkatërruese për marrëdhëniet dypalëshe”.
Ai po ashtu ka thënë se Moska shpreson që Uashingtoni “të përdorë ndikimin e tij te Kievi” për të parandaluar, siç është shprehur, aventurat e reja ushtarake.
Adresimi i Lavrovit vjen në kohën kur marrëdhëniet midis Moskës dhe Perëndimit janë në nivelin më të ulët që nga Lufta e Ftohtë.
Kjo ka ardhur si pasojë e aneksimit të Krimesë nga Rusia, në mars të vitit 2014, dhe mbështetjes së vazhdueshme të Kremlinit për separatistët në lindje të Ukrainës.