Gjatë një shqyrtimi të sotëm të Kombeve të Bashkuara për të drejtat e njeriut në Bjellorusi, diplomatët kanë kërkuar nga autoritetet në Minsk, që të sigurojnë zgjedhje të lira dhe korrekte dhe e kanë dënuar një “atmosferë të keqtrajtimit”.
Mëtutje, në takimin e Këshillit për të drejtat e njeriut të Kombeve të Bashkuara në Gjenevë, është kërkuar që Bjellorusia t’i liroj të gjithë të burgosurit politikë dhe t’i ndalë ekzekutimet.
Presidenti i Bjellorusië, Alyaksander Lukashenka, 60 vjeçar, ishte në pushtet për më tepër se dy dekada, ndërsa po e shqyrton marrjen edhe të një mandati në zgjedhjet e nëntorit.
Ambasadori amerikan në këtë këshill, Keith Harper, ka kërkuar nga Bjellorusia që “ta plotësoj legjislacionin zgjedhor për ta harmonizuar atë me rekomandimet e OSBE-së”.
Mikhail Khvostov, përfaqësues i Bjellorusisë në OKB në Gjenevë, ka insistuar se është bërë shumë që të sigurohet se zgjedhjet do të organizohen në mënyrë të “qetë, me sinqeritet dhe transparencë”.