Një video në të cilën paraqitej vrasja e një vajze nga turma e meshkujve, sot është transmetuar në një gjykatë në Kabul, në ditën e tretë të procesit kundër 49 të akuzuarve.
Vajza 27 vjeçare, me emrin Farkhunda, ishte akuzuar rrejshëm se i ka djegur faqet e Kuranit.
Një gjyqtar ka kërkuar që të tregohet videoja e xhiruar me telefon mobil, ku shihet turma duke e shqelmuar dhe rrahur vajzën.
Në mesin e të akuzuarve gjenden edhe 19 policë, të cilët janë të dyshuar se kanë dështuar ta parandalojnë sulmin.
Farkhunda ishte rrahur për vdekje dhe pastaj trupi i saj është djegur dhe hedhur në lumë, më 19 mars.
Kjo vrasje ka shkaktuar tmerr dhe protesta të papara në gjithë Afganistanin.
Nuk është e qartë se kur do të shpallet vendimi për këtë rast.
