Incidenti i javës së kaluar ku humbën jetën më shumë se 1 mijë persona konsiderohet si një ndër tragjeditë më të mëdha të ndodhura në dekadat e fundit.
Por trafikantët libianë nuk dinë të ndalen.
Ata vazhdojnë “tregtinë”e tyre nëpërmjet Facebook-ut.
Siç shkruan DailyMail, këta trafikantë njoftojnë nëpërmjet faqeve të FB rreth transportit në vendet e BE-së.
Ata shkruajnë në FB se ofrojnë udhëtime “të besueshme” dhe “të parrezikshme” vetëm për një mijë dollarë.
Njoftimet vijnë menjëherë pas tragjedisë së ndodhur javën e kaluar.
FB ka eleminuar menjëherë faqet e tyre dhe një hetim nga Interpoli ka nisur për gjetjen e personave që kanë hapur këto faqe.
