Autoritetet thanë sot se persona të maskuar i kanë shkatërruar disa shtatore të ish-liderit sovjetik, Vladimir Iliç Lenin, në pjesën lindore të Ukrainës, që vlerësohet se është një paraqitje e freskët e ndjenjave kundër Rusisë, derisa Kievi po lufton kundër separatistëve prorusë.
Dy shtatore janë shkatërruar në universitete në qytetin Harkov, që është nën kontrollin e shtetit, mbrëmë vonë, një javë pasi Parlamenti i Ukrainës e ka miratuar legjislacionin me të cilin ndalohet përdorimi i simboleve sovjetike në Ukrainë.
Ky legjislacion, që po ashtu, i ndalon edhe simbolet naziste, duhet të nënshkruhet nga presidenti, Petro Poroshenko.
Dje zyra e guvernatorit proukrainas në Luhansk, që është një rajon lindor i ndarë pjesërisht ndërmjet qeverisë dhe separatistëve, ka njoftuar se një tjetër përmendore e Leninit ishte ngjyrosur me ngjyrë të verdhë dhe të kaltër, që janë ngjyrat kombëtare të Ukrainës, dhe më vonë kjo përmendore në fshatin Stanytsya Luhanska ishte shkatërruar.