Katër punëtorë kanë vdekur ndërsa 16 janë lënduar, ndërkaq 300 prej tyre janë evakuuar pasi që në një platformë të naftës në Gjirin e Meksikës ka rënë një zjarr.
Kompania shtetërore e naftës “Petroleos Meksikanos - Pemeks “ ka njoftuar se në fikjen e zjarrit janë angazhuar tetë anije zjarrfikëse.
Ende nuk dihet nëse nafta ka rrjedhë në Gjirin e Meksikës.
Agjencia për Sigurinë e Energjisë e Meksikës tha se të lënduarit janë transportuar në një spital lokal , duke shtuar se zjarri është shuar .
Zjarri shpërtheu në platformën Abkatun, jo shumë larg nga shtetet meksikane Campeche dhe Tabasko .
Kompania “Pemeks” ka pasur disa aksidente në vitet e fundit . Të paktën 37 vetë kanë vdekur në shpërthimin në selinë e kompanisë në Mexico City në vitin 2013 .
Në shtator të vitit 2012, 26 njerëz kanë vdekur nga një zjarr që shpërtheu nga gazi në këtë kompani.
