Policia kufitare e Greqisë bëri të ditur se ka shpëtuar 70 migrantë në vijën kufitare Greqi - Turqi.
Ata e kishin kaluar me not lumin qe ndan dy shtetet.
Migrantët, në mesin e të cilëve kishte gra dhe fëmijë, u gjetën në mëngjesin e sotëm, pasi njëri nga ta kishte thirrur shërbimet emergjente greke.
Nacionalitetet e tyre ende nuk dihen. Ata u transportuan në një fshat të afërt.
Greqia është në rrugën kryesore që përdoret nga migrantët dhe refugjatët, në përpjekje për të hyrë në shtetet e Bashkimit Evropian.
Dhjetëra mijëra nga ta, hyjnë në këtë shtet çdo vit.
