Vendi në urën në qendër të Moskës e cila është bërë për kujtim të vrasjes së opozitarit rus Boris Nemtsov ka qenë cak i vandalizmit, transmeton BBC.
Sloganet me përmbajte fyese janë shkruar në fotografinë e Nemtsovit, ndërsa shenja e rrugës ku shkruan “Ura e Nemtsov” është dëmtuar me ngjyrë.
Në rrjetet sociale janë publikuar fotografitë të cilat vandalistët i kanë bërë vet, ku shihen njerëzit se si përdhosin kurorat e vendosura në vendin ku është vrarë Nemtsov.
Boris Nemtsov është vrarë më 27 shkurt afër Kremlinit.