Zyrtarët afganë kanë thënë se një sulm vetëvrasës ka marrë jetën e shtatë personave.
Zëvendësshefi i policisë së Kabulit, Gul Agha Rohani, ka thënë se një veturë e mbushur me eksploziv është shpërthyer afër një zone të mbushur me njerëz, afër ndërtesës së Ministrisë së Financave.
Udhëheqësi i spitalit në kryeqytetin afgan, Kabir Amiri, ka thënë se së paku 22 persona, “përfshirë gra dhe fëmijë”, janë lënduar.
Shpërthimi është rasti i fundit i dhunës që e ka tronditur Afganistanin derisa presidenti i këtij vendi, Ashraf Ghani dhe shefi ekzekutiv, Abdullah Abdullahu janë për vizitë në SHBA.
