Netanyahu: Irani, rrezik edhe për SHBA-në

Bota

Netanyahu: Irani, rrezik edhe për SHBA-në

Më: 3 mars 2015 Në ora: 18:06

Kryeministri i Izraelit, Benjamin Netanyahu, ka thënë para Kongresit të Shteteve të Bashkuara se Qeveria e Iranit mbetet armike jo vetëm e Izraelit, por edhe e SHBA-së.

Ai ka thënë se Uashingtoni nuk mund ta lejojë Iranin që të vazhdojë zhvillimin e programit bërthamor.

Sipas tij, marrëveshja e propozuar nuk do ta ndalojë Iranin nga krijimi i armës atomike.

Netanyahu ka thënë se çdo marrëveshje që nuk e obligon Iranin të çmontojë plotësisht programin bërthamor, do të ketë pasoja të rënda për të ardhmen.

Fuqitë perëndimore po bëjnë përpjekje që deri në fund të këtij muaji të arrijnë një marrëveshje me Iranin, sipas së cilës Republika Islamike do të frenonte aktivitetet e saj bërthamore në këmbim të lehtësimit të sanksioneve ndërkombëtare.

Sot mund të lexoni Shfletoni kopertinat