Presidenti amerikan, Barack Obama e ka nënshkruar një ligj financiar një javor për Departamentin e Sigurisë Kombëtare (DHS), duke e mundësuar kështu mbajtjen në funksion të këtij departamenti, pasi rrezikohej të mbyllej.
Obama e nënshkroi këtë ligj, vetëm pak minuta para mesnates kur rrezikonte të mbyllej departamenti në fjalë.
Të premtën, ligjvënësit amerikan e evituan mbylljen e këtij departamenti në momentin e fundit, por duke u marrë vesh që departamenti të financohej vetëm deri më 6 mars, duke e detyruar kështu Kongresin që të merret sërish me këtë çështje javën e ardhshme.
DHS është agjencia kryesore qeveritare që i mbron SHBA-të nga kërcënimet terroriste.