Fati i një gazetari japonez dhe një piloti jordanez, të cilët po mbahen nga militantët e Shtetit Islamik, mberet i paqartë.
Afati i caktuar nga ana e militantëve, ka skaduar gjatë ditës së djeshme, ndërsa asnjë informacion nuk është bërë me dije.
Zyrtarët japonezë dhe ata jordanezë janë koordinuar për të kuptuar në lidhje me fatin e gazetarit Kenji Goto dhe pilotit Muath al-Kasaesbeh.
Kryeministri i Japonisë, Shinzo Abe, ka thënë gjatë një seance parlamentare se qeveria e tij është duke i grumbulluar dhe analizuar informacionet ndërsa është duke punuar ngushtë edhe me Jordaninë dhe vendet e tjera.
Militantët e IS-it e kanë publikuar dje në mëngjes një audio në youtube ku dëgjohet zëri i Goto duke folur në anglisht e duke thënë se al-Kasaesbeh do të vritet nëse deri në perëndim të diellit nuk lirohet një e burgosur irakiane në Jordani, e cila dyshohet për përgatitjen e një sulmi vetvrasës.
