Izraeli i ka thënë Këshillit të Sigurimit të Kombeve të Bashkuara se do të mbrohet, pasi Hezbollahu ka vrarë dy ushtarë të tij.
Ambasadori i Izraelit në OKB, Ron Prosor, ka thënë se nuk do të qëndrojë duarkryq derisa Hezbollahu sulmon caqet izraelite.
Ai i ka bërë këto komente në një letër dërguar sekretarit të përgjithshëm të OKB-së, Ban Ki-moon.
Të mërkurën, militantët e Hezbollahut kanë sulmuar me raketa një konvoj ushtarak të Izraelit, në kufi me Libanin.
Dy ushtarë izraelitë janë vrarë dhe shtatë të tjerë janë plagosur.