Aleksis Cipras është betuar si kryeministri i ri i Greqisë. Kreu i partisë së ekstremit të majtë, Syriza bëri betimin para presidentit në largim, Karolos Papulias.
Pas një ceremoni shumë të shkurtër, ku Cipras nuk mbante veshur kravatë, ai u drejtua për në rezidencën e qeverisë ku do të përgatitet për votëbesimin.
Cipras është shprehur se nuk do të mbajë kravatë deri sa Greqia të arrijë një marrëveshje për reduktimin e borxhit. Ai u betua se do t’i shërbejë popullit grek dhe se do të respektojë kushtetutën e vendit.