Zyra e sekretarit të përgjithshëm të Kombeve të Bashkuara, Ban Ki-moon, ka dënuar ashpër sulmin me raketa në Mariupol të Ukrainës, i cili ka vrarë së paku 30 njerëz dhe ka plagosur afro 100 të tjerë.
Lideri i separatistëve pro-rusë, Aleksandr Zakharchenko, ka pranuar se forcat e tij kanë kryer sulmin e së shtunës.
Ai po ashtu ka thënë se rebelët kanë për qëllim të marrin nën kontroll më shumë territore në lindje të Ukrainës.
Ban ka dënuar tërheqjen e njëanshme të rebelëve nga armëpushimi, si dhe deklaratat e tyre provokuese.