Të paktën 21 të vrarë nga luftimet në Ukrainë

Bota

Të paktën 21 të vrarë nga luftimet në Ukrainë

Më: 24 janar 2015 Në ora: 18:42

Autoritetet ukrainase thonë se të paktën 21 njerëz u vranë dhe mbi 80 të tjerë u plagosën nga sulmet me raketa ndaj një tregu të mbushur me njerëz në qytetin e rëndësishëm strategjik të Mariupolit sot në mëngjes. Sulmi në zonat e banuara të qytetit ndodhi vetëm disa orë pasi udhëheqësi i seperatistëve pro-rusë në rajonin e Donetskut tha se nuk do të vazhdonte bisedimet e paqes me Kievin.

Mariupoli shtrihet përgjatë Detit Azov dhe është qyteti më i madh mes Rusisë kontinentale dhe Gadishullit të Krimesë të aneksuar nga Rusia.

Luftimet e ashpra në rajon në vjeshtë ngritën frikën se separatistët e mbështetur nga forcat ruse po përpiqeshin të krijonin një lidhje tokësore mes Rusisë dhe Krimesë.
Forcat rebele janë pozicionuar 10 kilometra nga rrethinat lindore të Mariupolit.
Ministria e Brendshme e Ukrainës tha se raketat goditën shtëpitë, duke u vënë flakën atyre, tregun dhe dyqane.
Policia tha se edhe një postbllok i ushtrisë ukrainase në një rrugë që të çon nga qyteti drejt zonave të kontrolluara nga rebelët.
Duke folur në Kiev, koloneli Andriy Lysenko, zëdhënës i Këshillit të Sigurisë dhe Mbrojtjes Kombëtare të Ukrainës, tha se sulmi kishte në shënjestër cilivët.

"Sulmi në mënyrë specifike kishte në shënjestër civilët dhe pjesët e banuara të Mariupolit".
Sulmet me raketa në Mariupol ndodhën disa orë pasi separatistët shpallën synimin e tyre për fillimin e një ofensive të gjatë që synon zgjerimin e territorit të tyre.

Udhëheqësi i seperatistëve të mbështetur nga Rusia, Alexander Zakharchenko, udhëheqës i Republikës së Vetëshpallur të Donetskut, dje tha se forcat e tij do të sulmonin trupat qeveritare deri sa të arrinin në kufirin e rajonit të Donetskut. Ai tha se luftëtarët po përparonin kundër trupave ukrainase pas marrjes nën kontroll të aeroportit qytetit.
Intensifikimi i përleshjeve përfundimisht do të dëmtonte përpjekjet e kohëve të fundit të evriopianëve për t’i dhënë fund luftimeve.
Agjencia e Kombeve të Bashkuara për të drejtat e njeriut dje e ngriti numrin e përgjithshëm të viktimave të konfliktit ukrainas në gati 5100 njerëz që thotë se kanë humbur jetën nga prilli i vitit të kaluar.

Sot mund të lexoni Shfletoni kopertinat