Yury Ushakov, ndihmës i presidentit të Rusisë, Vladimir Putin, thotë se gjatë ditës së sotme, Putini do të bisedoj me telefon me liderët e Ukrainës, Gjermanisë dhe Francës, në kuadër të përpjekjeve për gjetje të zgjidhjes për përfundimin e konfliktit në Ukrainë.
Sipas zotit Ushakov, bisedimi do të “fokusohen në krizën aktuale dhe perspektivën për mbledhjen e ardhshme të grupit të kontaktit”, që është një referencë për bisedimet ndërmjet përfaqësuesve të Ukrainës, Rusisë, OSBE-së dhe sepratistëve prorusë, që e kanë kontrollin ndaj pjesës lindore të Ukrianës.
Këto bisedime e kishin prodhuar Marrëveshjen e 5 shtatorit për armëpushim, ndërmjet separatistëve prorusë dhe forcave të qeverisë së Ukrainës, dhe hapa të tjerë për përfundimin e konfliktit, nga i cili prej muajit prill, kur ka filluar, janë vrarë më se 4,700 njerëz.
Këtë muaj duket se luftimet janë zvogëluar dhe janë shtuar përpjekjet për bisedime të reja.