Organizata për Siguri dhe Bashkëpunim në Evropë (OSBE) thotë se zgjedhjeve të djeshme parlamentare në Uzbekistan u ka munguar gara e vërtetë elektorale.
Në kumtesën e sotme, misioni i kufizuar i Zyrës së OPSBE-së për Institucione Demokratike dhe të Drejta të Njeriut (ODIHR), tha se liria e shprehjes dhe e tubimit janë madhore për mbajtje të zgjedhjeve të lira dhe korrekte.
Mëtutje, shefi i misionit të OSBE-së, Daan Everts, tha se zgjedhjet e djeshme “ishin të administruara në mënyrë kompetente, por u ka munguar gara dhe debati i mirëfilltë zgjedhor” dhe ka shtuar se “më tepër hapa gjithpërfshirës duhet të ndërmerren për tu mundësuar votuesve zgjidhje reale zgjedhore”.
Të katër partitë që kanë marrë pjesë në zgjedhje e mbështesin presidentin aktual, Islam Karimov.
Opozita e Uzbekistanit, pjesa më e madhe e së cilës është në ekzil, kishte bërë thirrje për bojkotim të votimeve.