Kryetari i partisë së majtë radikale greke, SYRIZA, Aleksis Cipras (Alexis Tsipras) e ka quajtur "të rrezikshëm për vendin" kryeministrin grek, Antonis Samaras, në një mbledhje të jashtëzakonshme të sekretariatit të partisë.
“Samaras është i aftë të inskenojë madje edhe një tërheqje masive të depozitave bankare me një largim artificial kapitalesh, me qëllim që të bëjë të besueshëm argumentin e frikës”, deklaroi Cipras. Gjatë takimit, ai iu referua sulmeve që bëhen ndaj SYRIZA-s dhe vuri në dukje se çdo manipulim "do t’iu kthehet në bumerang".
Cipras shtoi se qeveria dhe trojka po manipulojnë terrorizimin e deputetëve për të kapërcyer pengesën e zgjedhjeve presidenciale. Parlamenti grek dështoi dje në raundin e parë për zgjedhjen e Presidentit të ri të Republikës, Stavro Dimas.
