(E plotësuar) - Drejtësia në Egjipt ka hedhur poshtë akuzat për vrasje kundër presidentit të përmbysur, Hosni Mubarak, dhe komandantëve të tij të sigurisë.
Mubarak, 86 vjeç, është dënuar me burgim të përjetshëm në vitin 2012, për pjesëmarrje në vrasjen e demonstruesve gjatë revolucionit të vitit 2011, që ka çuar në rrëzimin e tij nga pushteti.
Por, në janar të 2013-ës, një gjykatë e apelit ka hedhur poshtë vendimin.
Sot, gjykata po ashtu ka liruar nga akuzat për vrasje pesë komandantë të lartë të sigurisë, në mesin e tyre ish-ministri i Brendshëm, Habib al-Adly.
Mubarak, i cili ka mohuar akuzat kundër tij, është duke shërbyer tashmë një dënim prej tre vjetësh burgim, në një rast të korrupsionit.
Pasardhësi islamist i Mubarakut, Muhammad Morsi, ka qëndruar në pushtet vetëm një vit dhe është përmbysur nga ushtria në korrik të vitit 2013.
Ish-shefi i ushtrisë, Abdel Fattah al-Sisi, është zgjedhur më pas president.
Sot vendimi për Mubarakun
Drejtësia në Egjipt pritet të shpallë sot vendimin në rigjykimin e presidentit të përmbysur, Hosni Mubarak, i cili akuzohet për konspiracion për vrasjen e protestuesve në vitin 2011.
Mubarak, 86 vjeç, është dënuar me burgim të përjetshëm më 2012, por, në janar të 2013-ës, një gjykatë e apelit ka hedhur poshtë vendimin.
Mubarak, i cili mohon akuzat kundër tij, është duke shërbyer tashmë një dënim prej tre vjetësh burgim, në një rast të korrupsionit.
Protestat në vitin 2011 kanë çuar në përmbysjen e tij nga pushteti.
Pasardhësi islamist i Mubarakut, Muhammad Morsi, ka qëndruar në pushtet vetëm një vit dhe është përmbysur nga ushtria në korrik të vitit 2013.
Ish-shefi i ushtrisë, Abdel Fattah al-Sisi, është zgjedhur më pas president.
