Presidenca ruse thotë se presidenti i, Vladimir Putin, dhe ai i Ukrainës, Petro Poroshenko, kanë diskutuar për “marrëdhëniet bilaterale dhe situatën në juglindje të Ukrainës”, gjatë bisedës telefonike, mbrëmë vonë.
Mëtutje, në njoftimin e sotëm, të shkurtër, Kremlini thotë se thirrja ishte inicuar nga Ukraina. Nuk janë dhënë detaje të tjera.
Në pjesën lindore të Ukrainës ka vazhduar dhuna, përkundër armëpushimit të arritur më 5 shtator, ndërmjet Kievit dhe separatistëve prorusë.
Ukraina dhe shtetet perëndimore e akuzojnë Rusinë për mbështetje të kryengritësve me trupa dhe pajisje.
Moska i ka hedhur poshtë këto akuza.