Francë: Nuk janë plotësuar kushtet për dërgimin e anijes në Rusi

Bota

Francë: Nuk janë plotësuar kushtet për dërgimin e anijes në Rusi

Më: 25 nëntor 2014 Në ora: 14:13

Ministri i jashtëm i Francës, Laurent Fabius, tha se kushtet nuk janë të mira për dërgimin e luftanijes së sofistikuar në Rusi, për shkak të krizës në Ukrainë, derisa po shtohet presioni nga Moska, që anija e porositur t’i dërgohet.

“Ne konsiderojmë se kushtet për dërgim nuk janë plotësuar, për shkaqe që janë të qarta sot”, i tha Fabius radios franceze, Inter, transmeton agjencia AFP nga Parisi.

Raportohet se Rusia i ka tërhequr vërejtjen Parisit për pasoja “serioze” nëse Franca nuk e dërgon të parën prej dy luftanijeve të tipit Mistral, deri në fund të nëntorit, ashtu siç ishte paraparë.

Por, Fabius ka refuzuar të komentoj se kur ishte afati i vërtetë për dërgimin e anijes, duke thënë vetëm se “është i fiksuar me kontratë”.

“Nga pala ruse, është një prani direkte dhe jodirekte në anën e separatistëve, por në anën ukrainase ka, po ashtu, deklarata të papranueshme”, tha minsitri Fabius, duke iu referuar kërkesës së paraqitur të Kievit për pranim në NATO.

Sot mund të lexoni Shfletoni kopertinat