Autoritetet në Kirgizi kanë arrestuar 11 persona nën dyshimet se kanë grabitur nuse.
Kjo shkelje në Kirgizi rrallë është ndjekur penalisht në të kaluarën.
Policia e qytetit Bishkek ka thënë se gjashtë burra janë arrestuar në bazë të ankesës së një gruaje 40-vjeçare, e cila i ka akuzuar ata për rrëmbimin e motrës së saj 18 vjeçe.
Po sot, zyrtarët në qytetin Tokmok kanë thënë se pesë banorë lokalë janë arrestuar për rrëmbimin e një vajze, po ashtu 18 vjeçe.
Në të dyja rastet, qëllim i rrëmbimit është martesa e detyruar.
Aktivistët e të drejtave të njeriut thonë se rreth 12,000 vajza dhe gra kirgize rrëmbehen çdo vit dhe detyrohen të martohen.
