Militantët kanë sulmuar një kompleks banimi në periferi të Kabulit, i cili strehon shtetas të huaj.
Makina bombë ka shpërthyer pranë Fshatit të Gjelbër dhe është ndjekur me breshëri të shtënash me armë.
Forcat e sigurisë kanë bllokuar rrugët në pjesën lindore të kryeqytetit.
Burimet zyrtare thonë se nuk ka informacione për viktima të mundshme.
Përgjegjësinë për sulmin e kanë marrë talibanët.
Në Fshatin e Gjelbër jetojnë të huaj që punojnë për shërbime ndërkombëtare në Afganistan.