Siri, mbi 500 të vrarë nga goditjet ajrore

Bota

Siri, mbi 500 të vrarë nga goditjet ajrore

Më: 23 tetor 2014 Në ora: 16:14

Aktivistët sirianë thonë se një muaj goditjesh ajrore nga Shtetet e Bashkuara në Siri ka lënë të vrarë 553 vetë, pjesa më e madhe ekstremistë të Shtetit Islamik dhe Frontit Nusra që ka lidhje me al-Kaidën.

Organizata Observatori Sirian për të Drejtat e Njeriut tha sot se ndër të vrarët ka 464 luftëtarë të ISIS dhe 32 civilë.

Ky grup, i cili vëzhgon zhvillimet në luftën civile siriane, tha se beson që janë vrarë edhe më shumë ekstremistë, por numri i tyre nuk është raportuar dhe është e vështirë të analizohen rezultatet e goditjeve në terren.

Shtetet e Bashkuara dhe vende partnere kanë ndërmarrë mbi 200 goditje ajrore në Siri që nga 22 shtatori, në kuadër të përpjekjeve për të ndalur Shtetin Islamik.

Sot mund të lexoni Shfletoni kopertinat