Pentagoni, ka njoftuar se dy pako me furnizime që destinacion kishin Kobanin në Siri, njëra ka rënë në duar të militantëve të Shtetit Islamik (IS), dhe tjetra është shkatërruar, njofton Reuters.
Shtetet e Bashkuara të Amerikës, kanë filluar që përmes ajrit të dërgojnë ndihma të ndryshme, përfshirë armë e municione për kurdët në Kobani të Sirisë, të cilët po luftojnë militantët e IS.
Kjo ka bërë që të reagoj Presidenti turk, Recep Tayyip Erdogan të cilit nuk i ka pëlqyer ideja që përmes ajrit të dërgohen ndihmat.
Erdogan ka thënë të mërkurën në Ankara, se ky veprim është i gabueshëm, për shkak se disa prej armëve kanë rënë në duar të IS.
Por sipas Pentagonit, shumica e ndihmave të SHBA-së, janë dërguar më 19 tetor, dhe ato janë marrë luftëtarët kurd.
Ndryshe, Erdogani ka thënë se ai ka lejuar që kurdët e Irakut që duan të ndihmojnë kurdët në Siri, të hyjnë në Kobani përmes Turqisë.
Sipas presidentit turk, në Kobani më nuk ka civilë, vetëm rreth 2, 000 luftëtarë kurd.