Kryeministri i Irakut, Haidar al-Abadi, nesër e viziton Iranin për të biseduar lidhur me luftën irakiane kundër militantëve të Shtetit Islamik.
Zyra e kryeministrit irakian tha sot se vizita njëditëshe në Teheran është pjesë e përpjekjeve të kryeministrit al-Abadi për “unifikimin e përpjekjeve në rajon dhe në botë, për ta ndihmuar Irakun në luftën kundër grupit terrorist”.
Militantët e Shtetit Islamik e kanë okupuar një territor të gjërë në Irak, gjatë ofensivës së filluar në muajin qershor.
Irani është mbështetësi kryesor i qeverisë së udhëhequr nga shititët në Irak.
