Kryebashkiaku i Romës, Injacio Marino ka regjistruar 16 martesa mes homoseksualëve në regjistrin e qytetit. Prefekti i kryeqytetit Italian bëri të qartë se nëse këto regjistrime nuk fshihen ai do t’i anulojë. Edhe ministri i brendshëm I Italisë, Anxhelino Alfano u shpreh se për ligjin Italian ato martesa nuk kanë asnjë vlerë. Tashmë kjo konsiderohet si një betejë e vërtetë kompetencash në Itali ku me dhjetra martesa mes homoseksualëve janë pranuar në komunat e katër qyteteve, Romë, Milano, Bolonjë dhe Livorno. Vendimi i kryebashkiakut të kryeqytetit ëshët simbolik duke marrë parasysh që dhe Vatikani nuk ka reaguar ende zyrtarisht. Një vendim për të vendosur nën presion dhe kryeministrin Renci, i cili prej muajsh premton një ligj që do të pranonte martesat mes homoseksualëve por jo të drejtën për adoptim.
