Parlamenti i Irakut e ka miratuar emërimin e ministrave të rinjë të mbrojtes dhe të brendshëm, kështu që tash janë të plotësuara të gjitha postet në qeverinë e kryeministrit, Haidar al-Abadi.
Sot anëtarët e Parlamentit të Irakut e kanë miratuar vendimin, që ministër i brendshëm të jetë, Mohammed al-Ghabban, pjesëtar i shumicës shiite.
Ministër i mbrojtjes është emëruar Khaled al-Obeidi, nga blloku i sunitëve arabë në Parlamentin e Irakut.
Këto emërime u bënë në periudhën kur Iraku po ballafaqohet me krizën më të madhe në më tepër se një dekadë, pasi militantët e Shtetit Islamik, kanë okupuar territore të mëdha në pjesën perëndimore dhe veriore të Irakut.
Propozimi i mëhershëm i kryeministrit al-Abadi për këto dy poste, me kandidatë të tjerë, nuk ishte miratuar në parlament.
Printoje
Shpërndaje: