Dy iranian, roje të kufirit janë vrarë nga rebelët, të cilët po përpiqeshin të hyjnë nga Pakistani në Iran.
Agjencia e lajmeve iraniane, citon Gjeneralin iranian, Roham Bakhsh Habini, të ketë thënë se ‘një numër banditësh pakistanez janë vrarë, gjatë përleshjeve në orët e vona të 16 tetorit’.
Ai ka shtuar se një automjet, dhe një sasi e konsiderueshme e armëve dhe municioneve janë konfiskuar nga rebelët.
Përleshjet kanë shpërthyer në provincën e trazuar të Sistan-Baluchistan, ku në fillim të këtij muaji pesë njerëz, përfshirë katër të forcave të sigurisë, janë vrarë nga sulmet e rebelëve.
Mediat iraniane, njoftojnë se edhe 14 persona janë arrestuar, lidhur me këtë rast.
Iran në vazhdimsi ka kërkuar nga Pakistani që të merr masa ndaj terroristëve.
